Një ngjarje e pazakontë është regjistruar pak më parë në qytetin e Vlorës, ku një vajzë e re ka alarmuar policinë lokale me sjelljen e saj në zonën e Skelës.
Sipas informacioneve paraprake, në sallën e Komisariatit të Policisë së Vlorës ka mbërritur një telefonatë për një drejtuese automjeti të re, e cila po shkaktonte panik në rrugë.
Ajo është raportuar se ndalonte automjetet në mënyrë të befasishme, ulërinte me zë të lartë dhe u drejtohej drejtuesve të tjerë me fjalë kërcënuese.
Menjëherë pas njoftimit, efektivët e policisë kanë ndërhyrë në vendngjarje, duke e shoqëruar vajzën dhe duke kërkuar ndihmën e një autoambulance.
Ajo është transportuar në spital për të marrë asistencë mjekësore, ndërsa ende nuk dihen shkaqet e sjelljes së saj. Autoritetet po vijojnë hetimet për të sqaruar rrethanat e plota të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
