Mocioni për mandatin e deputetes socialiste Olta Xhaçka nuk do të shkojë në Gjykatën Kushtetuese.
Pas një seance të gjatë, me 39 vota pro dhe 72 kundër është rrëzuar kërkesa.
Kuvendi ka votuar kundër dërgimit të mandatit të deputetes socialiste Olta Xhaçka në Gjykatë Kushtetuese.
Deputetët socialistë zgjodhën që të mbrojnë kolegen e tyre edhe pse veprimi është në shkelje të drejtpërdrejtë të vendimit të Gjykatës Kushtetuese.
Opozita kërkoi dërgimin e mandatit të Xhaçkës në Kushtetuese që në vjeshtën e vitit 2022, pasi e akuzon se ka konflikt interesi përmes bashkëshortit të saj si investitor strategjik, gjë që ministrja e ka mohuar disa herë.
Më herët në fjalën e saj në Kuvend, Xhaçka deklaroi se nuk ka përfituar asnjë qindarkë nga trualli shtetëror dhe gjithashtu hodhi poshtë akuzat e opozitës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
