Analisti Neritan Sejamini i ftuar në emisionin “Të Paekspozuarit” në MCN u shpreh se protesta e opozitës duhet të përqendrohet në sigurimin e votave të qytetarëve dhe jo te programi se si duhet të rrëzojnë pushtetin.
Sipas Sejaminit aksioni politik i sigurimit të votës së qytetarëve ka një komunikim ndryshe dhe premtues për të ardhmen pasi jep shpresë.
“20 Shkurti dhe sot është një nga ditët më të lumtura të jetës time. 20 Shkurti pati një rëndësi të madhe atëherë dhe ndodhi ndryshimi. Çfarë bëri 20 shkurti, rrëzoi simbolet. Regjimi komunist bazohej mbi mitet dhe monumentet. Rrëzimi i bustit dhe emri i Enver Hoxhës te Universiteti Tiranës është e rëndësishme.
Unë jam pro opozitës dhe protestë, dua që të jetë e suksesshme. Mendoj që opozita nuk duhet të përqendrohet te Rama por te qytetarët. Aksionet politike ti bëjë votat e qytetarëve, ti fitojë ata. Ky është një proces ndryshe kurse gjuha e të ardhmes është një komunikim tjetër.”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
