Kallas: Çdo përpjekje për të shpërbërë Bosnjën është e papranueshme

Bashkimi Evropian nuk do të tolerojë kërcënime ndaj integritetit territorial, sovranitetit dhe rendit kushtetues të Bosnjës.

Kështu tha të martën shefja e politikës së jashtme të BE-së, Kaja Kallas, duke iu referuar lëvizjeve separatiste të udhëheqjes serbe të Bosnjës.

"Çdo përpjekje për të shpërbërë vendin është e papranueshme", tha ajo gjatë një vizite në Sarajevë.

Bosnja është në mes të krizës së saj më të madhe politike në dekada pasi udhëheqësi nacionalist serb i Bosnjës Milorad Dodik u dënua në shkurt me një vit burg.

"Udhëheqja e Republikës Srpska po minon rendin kushtetues dhe ligjor të vendit, duke kërcënuar lirinë themelore të të gjithë qytetarëve", tha Kallas ndërsa po bënte një vizitë në forcën e paqes të BE-së EUFOR në Sarajevë.

Kallas tha se vendimi i BE-së në mars për të rritur numrin e trupave të EUFOR-it me qindra tregon mesazhin e qartë se BE-ja mbetet e vendosur fort për stabilitetin e këtij rajoni dhe sigurinë e Bosnje-Hercegovinës.