Kryeministri Edi Rama dhe presidenti Ilir Meta do të përballen mes tyre për herë të parë në Gjykatën Kushtetuese, në një seancë gjyqësore, më 25 mars.
Bëhet fjalë për padinë e kryeministrit lidhur me kompetencat e presidentit për dekretimin e ministrave.
Pala kërkuese e kësaj përballjeje është kryeministri Edi Rama, i cili ka depozituar një padi pas përplasjes me Kreun e Shtetit, kur ky i fundit nuk e emëroi Gent Cakajn si ministër për Europën dhe Punët e Jashtme, duke i lënë vetëm funksionin e ushtruesit të detyrës.
Ndërkohë në 2 mars, Gjykata Kushtetuese do të shqyrtojë padinë e Partisë Republikane që kërkon shfuqizimin e aktit normativ që ndalon tubimet politike.
Aktualisht, Gjykata Kushtetuese në përbërjen e saj numëron shtatë gjyqtarë, kurse funksionimi i plotë kërkon nëntë të tillë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
