Forcat e sigurisë në Liban i kanë shtyrë dhe marrë zvarrë protestuesit, të cilët këtë mëngjes nuk pranonin të lëvizin nga bllokimet e rrugëve në qendër të Beirutit, për të rihapur rrugët e mbyllura gjatë një fushate të mosbindjes civile. Protestuesit kishin kishin vënë pengesa në rrugët rreth kryeqytetit dhe në autostradat kryesore për ta detyruar qeverinë që të japë dorëheqjen ndërkohë që protestat mbarëkombëtare kanë arritur në ditën e dhjetë.
Kur policia u zhvendos për të eleminuar blloqet në unazën që lidh Bejrutin nga lindja në perëndim, shumë protestues u ulën ose u shtrinë në asfalt.
"Populli dëshiron ta rrëzojë regjimin. Ne nuk jemi banditë, ne kemi të drejta dhe po kërkojmë prej tyre", ulërinin protestuesit. Në fund, agjentët arritën t'i lëviznin. Në qytetet e tjera të Libanit, blloqet janë hequr pa incidente, ndërsa në autostradën përgjatë bregdetit verior, një numër i madh njerëzish janë shtrirë në asfalt.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
