Gazetari Sokol Bregu shpjegoi në studion e emisionit “Të Paekspozuarit” dinamikën e operacionit të kryer në Lezhë në ditët e para të këtij viti kundër lojërave të paligjshme të fatit. Bregu tha se nga ky biznes i paligjshëm fiton edhe policia, e cila duhet hetuar krahas grupeve kriminale.
Ky është një operacion që u bë më 2 janar. Pse duhej të shkonte deri këtu. Ishte në vilën trekatëshe të marrë me qira nga një grup kriminal. Kumari i paligjshëm në Shqipëri është në duart e krimit të organizuar. Kur ky nuk ka shumë para kesh, atëherë shtrin duart për të zgjeruar aktivitetin. Në momentin që hoqën qafe drejtorin e policisë, bënë këtë aksion. Është një përplasje e interesave të policisë. Nuk fiton vetëm krimi i organizuar, fiton edhe policia.
Zakonisht fitojnë nëndrejtorët dhe drejtorët. U duk se pas largimit të një prej grupeve më të fuqishme do të merrte goditje kjo industri e paligjshme. Ndodhi po e njëjta gjë. Po t’i referohemi rastit të Lezhës, ata duhet të dinë se kush ishte informatori. Ata jepnin para për ta pasur kazinonë e paligjshme. Është një luftë për territor për të pasur kazino të paligjshme.
Ka shumë fjalë për goditjen e SPAK ndaj policisë. Prit e prit, siç kemi pritur. Goditja ndaj segmenteve të korruptuara të policisë është jetike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
