Forcat ruse kanë vrarë kryebashkiakun e Gostomel, në periferi të Kievit. Lajmi konfirmohet në faqen zyrtare të Facebook, të bashkisë.
“Qytetari i parë i Gostomel, Yuri Illich Prylypko, gjeti vdekjen, teksa shpërndante ushqim, për popullsinë e uritur. Vdiq për popullin e tij, vdiq si hero”.
Prylypko u qëllua për vdekje së bashku me dy persona të tjerë.
Gostomel, ndodhet në veriperëndim të Kievit dhe cilësohet si shtëpia e aeroportit ushtarak strategjik “Antonov”, i cili u kthye në vendin e betejave të ashpra midis forcave ukrainase dhe ruse në ditët e para të luftës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
