Ministrja e Arsimit, Besa Shahini reagon pas publikimit të disa lajmeve sipas të cilave, për shkak të tërmetit të 26 nëntorit, procesi mësimor në Tiranë e Durrës do të pezullohej deri më 9 dhjetor.
Por përmes një postimi në Facebook, ministrja shkruan se njoftimin zyrtar për rifillimin e mësimit do ta bëj pasi të mbyllim të gjithë analizat e vlerësimeve të infrastrukturave shkollore.
"Nxënës, prindër dhe mësues të dashur! Njoftimin zyrtar për rifillimin e mësimit do ta bëj pasi të mbyllim të gjithë analizat e vlerësimeve të infrastrukturave shkollore.
Ndaj, MOS MERRNI në konsideratë LAJMET "FAKE" si kjo këtu! Njoftimet e mia i publikoj tek kjo faqe dhe ato pastaj përcillen edhe në kanalet e ndryshme mediatike", shkruan Shahini në reagimin e saj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
