Mbi 50 milionë vende pune në sektorin e turizmit dhe udhëtimeve janë vënë në rrezik për shkak të virusit Covid-19, i përhapur në të gjithë botën.
Lajmi është konfirmuar nga Këshilli i Udhëtimit dhe Turizmit Botëror (WTTC), sipas të cilit, udhëtimet globale do të ulen me 25% për vitin 2020, ose e thënë ndryshe, do të mungojnë tre muaj udhëtimi në të gjithë botën.
Referuar kësaj statistike, Këshilli mendon se kjo shifër mund të çojë në uljen e punësimit në këto dy sektorë në 12-14%.
“Shifrat tona tregojnë ndikimin që do të ketë në udhëtim dhe turizëm pandemia Covid-19”, u shpreh Gloria Guevara, Presidente dhe drejtore ekzekutive e WTTC.
Ajo tha se këto analiza tregojnë se janë në rrezik mbi 50 milionë vende pune në të gjithë botën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
