Kreu i Partisë Demokratike, Lulzim Basha, iu përgjigj akuzave të mazhorancës, duke theksuar se propaganda e qeverisë i ndezi motorët me përbaltje nga mercenarët e Ramës për të mbrojtur pushtetin dhe paratë.
"Propaganda e Ramës i ka ndezur të gjithë motorët. Shpifje e përbaltje nga shërbëtorët e mercenarët e Rames për të mbrojtur pushtetin dhe paratë e Padronit dhe klientëve të tij. Hendeku midis oborrit të Ramës dhe njerëzve të thjeshtë do të thellohet. Unë jam në anën e njerëzve!", shkruan Basha në "Twitter".
Por brenda pak minutave, kreut të opozitës i është përgjigjur vetë kryeministri Edi Rama.
Në një postim në "Twitter", Rama shprehet se kur një parti politike shpall si platformë dhunën verbale mbi sipërmarrësit ka ngatërruar sistemin.
POr kreu i qeverisë vazhdon ironinë e tij ndaj kundërshtarit të tij politikë, duke theksuar se kur këtë parti pastaj e drejton LB ferra e ka marrë fare uratën.
“Kur një parti politike shpall si platformë dhunën verbale mbi sipërmarrësit ka ngatërruar sistemin ku vepron;ka harruar arsyen pse ekziston;ka marrë fund si alternativë qeverisëse e është kthyer në maskë gjobvënëse!Kur këtë parti pastaj e drejton LB ferra e ka marrë fare uratën”, shkruan Rama.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
