Autoritetet britanike ndalojnë Asma al-Assad, gruan e Presidentit të rrëzuar sirian Bashar al-Assad, që të hyjë në Mbretërinë e Bashkuar për arsye shëndetësore pasi pasaporta e saj është e pavlefshme.
Lajmi u zbulua nga burime të qeverisë britanike për Times.
Megjithatë është e paqartë nëse dokumenti i udhëtimit ka skaduar apo është bllokuar në mënyrë aktive.
Sipas burimeve të gazetës, duke qenë se pasaporta e ish-zonjës së parë siriane të sëmurë rëndë në ekzil është e pavlefshme dhe qeveria nuk do ta lejojë atë të kthehet për arsye shëndetësore, Assad nuk do të mund të marrë trajtim mjekësor në Britaninë e Madhe.
Në fillim të këtij muaji mediat britanike raportuan se Assad ka 50% mundësi për të mbijetuar pasi një formë agresive e kancerit të gjakut u përsërit pas trajtimit për sëmundjen.
Ish-zonja e parë siriane, e cila u diagnostikua me leuçemi mieloide akute në maj të këtij viti, është plotësisht e izoluar në Moskë pasi po trajtohet për kancerin agresiv.
Sipas Times, personi që menaxhon trajtimin në kryeqytetin rus është babai kardiolog, i cili duket se ka lënë shtëpinë e tij në Londër së bashku me gruan e tij për të ndihmuar Asma.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
