Autoritetet spanjolle pasi panë një video ku shfaqej një person teksa tallej me riciklimin derisa po hidhte një frigorifer nga një shkëmb, e kanë urdhëruar atë të shkojë poshtë dhe ta kthejë frigoriferin duke e bartur me duar.
Në një video të postuar nga policia lokale (AUGC Guardia Civil) në llogarinë e tyre në Twiiter, burri i paidentifikuar shihet teksa hedh frigoriferin nga një shkëmb në një përroskë në Almeria, para se të kthehet në furgonin e tij.
Sikurse personi që po e incizonte, njejtë edhe kryesi i veprës, që flisnin spanjisht, dëgjohen duke thënë “riciklimi, hajde, riciklojeni” dhe “të shohim se sa herë do të rrotullohet”, raporton CNN.
Kryesi i veprës, i cili më vonë u identifikua nga Policia, u dënua me 45 mijë euro gjobë, dhe u detyrua të kthehet në vendin e ngjarjes, ta merr frigoriferin dhe ta kthejë atë lart nga ku e hodhi, ka shkruar “AUGC Guardia Civil” në Twitter.
Në një video pasuese të Policisë, shihen dyshja teksa e tërheqin pajisjen lart.
Mësohet se ai është punëtor i një kompanie për mbledhjen e mbeturinave, dhe Policia ka thënë se mund të ketë pasoja edhe ndaj kompanisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
