Kreu i Organizatës Botërore të Shëndetësisë ka pranuar se ishte i parakohshëm përjashtimi i një lidhje të mundshme mes pandemisë Covid-19 dhe rrjedhjes së tij nga laboratori. Tedros Adhanom Ghebreyesus tha se po kërkonte që Kina të ishte transparente ndërkohë që shkencëtarët kërkonin origjinën e koronavirusit.
Drejtori i përgjithshëm i OBSH-së ka deklaruar gjithashtu se marrja e aksesit në të dhëna të papërpunuara ishte një sfidë për ekipin ndërkombëtar që udhëtoi në Kinë në fillim të këtij viti për të hetuar burimin e Covid-19. Ndërkohë që rastetet e para njerëzore u identifikuan në qytetin kinez të Wuhan, shkruan The Guardian.
Tedros u tha gazetarëve se agjencia shëndetësore e KB e vendosur në Gjenevë "po kërkon që Kina të jetë transparente, e hapur dhe të bashkëpunojë, veçanërisht në lidhje me informacionin, të dhënat e papërpunuara që ne kërkuam në ditët e para të pandemisë".
Ai tha se kishte pasur një "shtytje të parakohshme" për të përjashtuar teorinë se virusi mund të kishte dalë nga një laborator i qeverisë kineze në Wuhan, duke vënë në diskutim raportin e OBSH-së në mars, i cili arriti në përfundimin se një rrjedhje laboratorike ishte "jashtëzakonisht e pamundur".
"Unë kam qenë vetë teknik laboratori, jam imunolog dhe kam punuar në laborator dhe ndodhin aksidente laboratorike," tha Tedros. "Është e zakonshme"
Ai tha se OBSH po vinte bazat për hetime të reja se nga erdhi Covid-19, duke shtuar "ne shpresojmë se do të ketë një bashkëpunim më të mirë për të arritur në fund të asaj që ndodhi."
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
