Drejtori i Storm-RKS, Argjend Zejnaj thotë se Kryeministri Albin Kurti nuk duhet ta lejonte veten që të çonte më tej deklaratat politike ndaj sistemit të drejtësisë, pasi merret si ndërhyrje.
Duke folur për MCN Live, Zejnaj deklaroi se Albin Kurti përveçse nuk iu përgjigj ftesës për t’u përgjigjur në Prokurorinë speciale, vazhdon të hedhë gurë ndaj drejtësisë për të ndikuar te elektorati.
Është një proces hetimor që po zhvillohet në njërën nga ministritë që e drejton një bashkëpartiak i Albin Kurtit.
Duhet të shkojë dhe dëshmojë dhe të mos sulmojë sistemin e drejtësisë dhe të japë informacionet që ka për rezervat shtetërore.
Duhet të nxirret e vërteta në shesh se ku shkuan paratë për rezervat shtetërore, pasi rezervat shtetërore nuk ekzistojnë sot.
Nuk ka ndodhur asnjëherë në historinë e Kosovës që prej shpalljes së pavarësisë që një prokuror t’i shkojë në zyrë Kryeministrit për ta marrë në pyetje, për shkak se nuk është në praktikën ligjore të sistemit të drejtësisë.
Kryeministri Kurti e ka për detyrë që t’i përgjigjet kërkesave të drejtësisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
