Një 28-vjeçar në Itali akuzohet për simulim vjedhjeje, pas denoncimit të babait të tij. I riu nga Milano kishte klonuar kartën e kreditit të babait të tij dhe kishte tërhequr para nga bankomati, për të kaluar fundjavën në hotele luksoze.
Gjithçka ka nisur më 25 qershor, kur babai 55-vjeçar ka denoncuar në policia klonimin e kartës së tij. Që në fillim të hetimit, policia vëzhgoi pamjet e kamerave të sportelit ku ndodhej bankomati dhe u zbulua se paratë ishin tërhequr disa herë nga vetë i biri i denoncuesit.
Pasi është thirrur në komisariat së bashku me të atin, 28-vjeçari ka thënë mes lotësh se ishte viktimë e kërcënimeve të tre shqiptarëve, të cilëve ishte detyruar t’u jepte disa herë para.
Por hetimet më pas zbuluan se pretendimi i tij ishte i sajuar. Ai i përdorte paratë për të kaluar fundjavat në hotele luksi e klube nate, një fakt që është detyruar ta pranojë pas fakteve të paraqitura në përfundim të hetimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
