Dy persona kanë rënë në pranga të policisë së Korçës, pasi kanë tentuar të vjedhin karburant në automjet e gazsjellësit TAP.
Roja i një shoqërie Private të Sigurisë Fizike dhe bashkëpunëtori i dyshuar i tij, janë arrestuar për ktë vepër penale. Specialistët e Seksionit për Krimet në Komisariatin e Policisë Korçë vunë në pranga shtetasit Arben Fama, 38 vjeç, (me detyrë roje në një Shoqëri Private të Sigurisë Fizike) si edhe Denis Nurin, 27 vjeç, banues në fshatin Voskop.
Arrestimi i tyre u bë pasi, më datë 7 në fshatin Polenë Fama, në bashkëpunim me Nurin, janë kapur në flagrancë duke tentuar të vjedhin një sasi karburanti, në mjetet e parkuara të gazsjellësit “TAP”.
Materialet në ngarkim të tyre i kaluan Prokurorisë të Rrethit Gjyqësor Korçë, për veprat penale: “Vjedhja e kryer duke shpërdoruar detyrën” dhe “Vjedhja”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
