New Yorku si Venecia: është një nga qytetet më magjepsëse në botë, por gradualisht po zhytet nën peshën e ndërtesave të veta. Alarmi u dha më 8 maj nga një studim i botuar në revistën ‘Earth’s Future’ nga një ekip ekspertësh nga Universiteti i Rhode Island të udhëhequr nga gjeologu Tom Parsons.
“Çdo ndërtim i ri i lartë në zonat bregdetare, lumore apo liqenore mund të kontribuojë në rrezikun e përmbytjeve në të ardhmen”, thuhet në dokument.
Studimi u nda në dy faza kryesore. Në fillim, autorët përcaktuan sasinë e peshës totale të ndërtesave në Big Apple në rreth 764 milionë ton (mbi një milion në total), më pas ata e ndanë qytetin në një rrjet katror prej 100 metrash.
Rezultati ishte një model virtual, mbi bazën e të cilit shkalla mesatare e rrëshqitjes, ulja e tokës, ishte midis një dhe dy milimetra në vit (ndërsa ajo e Venecias, i kalon tre).
Në pamje të parë, shifra mund të mos bëjë përshtypje. Sidoqoftë, duhet të merren parasysh të paktën tre elementë.
E para: meqenëse studiuesit nuk morën parasysh peshën e rrugëve, trotuareve, urave dhe hekurudhave, vlerësimi është ndoshta i zbutur.
E dyta: është një vlerë mesatare, pasi tokat e pasura me sedimente argjilore dhe mbushje artificiale si ato të Manhatanit të Poshtëm, i nënshtrohen më shumë fundosjes sesa ato kryesisht shkëmbore.
E treta: duke qenë New Yorku një qytet bregdetar, kombinimi i rrëshqitjes dhe rritjes së deteve për shkak të ngrohjes globale kërcënon në planin afatgjatë ta bëjë gjithnjë e më të prekshëm ndaj baticave të larta, me rrezikun që disa zona të tij të përfundojnë nën ujë.
Duhet theksuar se në botë ka qytete që janë shumë më keq. Ky është rasti i Xhakartës, e cila fundoset mesatarisht 7.5 centimetra në vit dhe për shkak të zhdukjes së saj, Indonezia ka nisur së fundmi punimet për ndërtimin e kryeqytetit të saj të ardhshëm në Borneo, raporton Corriere.
Qytete të tjera të mëdha të prekura nga ky fenomen janë gjithashtu Shangai, Manila, Karacci, Ho Chi Minh dh, duke mbetur në Shtetet e Bashkuara të Amerikës, Houston dhe New Orleans.
New Yorku është emblema e qyteteve bregdetare që po pakësohen në mbarë që do të thotë se ekziston një sfidë e përbashkët globale, zbutja e një rreziku në rritje për përmbytje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
