Një fëmijë 7-vjeçar ndodhet në gjendje të rëndë shëndetësore pasi është rrëzuar nga shkallët e brendshme të pallatit, ku ai banonte.
Ngjarja ka ndodhur në qytetin e Korçës pasditen e së mërkurës në lagjen numër 10 të qytetit.
Policia sqaron se “ka rënë aksidentalisht në shkallët e brendshme të pallatit ku banonte, një fëmijë rreth 7 vjeç, i cili ka qenë duke luajtur me një bashkëmoshatar të tij në momentin kur ka ndodhur ngjarja. Për pasojë ky i fundit ka marrë dëmtime dhe po transportohet në Spitalin e Korçës për të marrë ndihmën e nevojshme mjekësore, ku aktualisht ndodhet në gjendje të rëndë shëndetësore.”
Paraprakisht dyshohet se ngjarja mund të jetë aksidentale.
Grupi hetimor po punon për zbardhjen e rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
