Shëndeti fizik dhe mendor i Julian Assange është në rrezik për shkak të qëndrimit të gjatë (pothuajse 6 vjet) në ambasadën e Ekuadorit në Londër.
Themeluesi i Wikileaks duhet të transferohet në spital, thonë mjekët e tij Sondra Crosby dhe Brock Chisholm, të cilët e kanë vizituar disa herë në harkun e 3 ditëve tetorin e shkuar. Edhe pse nuk kanë pranuar të hyjnë në detaje, mjekët kanë argumentuar opinionin e tyre në një artikull që u publikua në të përditshmen londineze “The Guardian”.
Mbështetësit e Assange i druhen arrestimit të tij dhe ekstradimit drejt SHBA-ve në rast se ai del nga ambasada në Londër. Assange ndodhet në selinë diplomatike të Ekuadorit prej pothuajse 6 vitesh. Ai rrezikon një dënim të gjatë për publikimin e materialeve të klasifikuara mbi luftën në Irak dhe kabllogramet diplomatike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
