Shkon në 64 numri i të prekurve me koronavirus në Shqipëri

Pesë raste të reja janë shënuar me Covid-19 brenda 24 orëve të fundit në Shqipëri, duke e çuar numrin e përgjithshëm të të infektuarve në 64 persona.

Harta e të prekurve me koronavirus në vendin tonë është zgjeruar me dy raste të reja të shënuara në Kavajë.

Lajmi është konfirmuar nga Drejtoresha e Institutit të Shëndetit Publik, Albana Fico, e cila deklaroi se janë testuar 32 persona të dyshuar, prej të cilëve janë konfirmuar 5 raste të reja me Covid-19, tre prej të cilëve shtetas italian që ndodhen aktualisht në Shqipëri.

5 raste të reja, 3 janë italianë

- 3 prej të cilëve shtetas Italian që ndodhen aktualisht në Shqipëri

- Një 80 vjeçar dhe nje 42-vjeçar nga Kavaja

Janë testuar 697 raste të dyshuara dhe prej tyre janë të konfirmuar pozitivë me COVID-19, 64 raste:

•    Tiranë             45 qytetarë
•    Durrës             5 qytetarë 
•    Lushnje           2 qytetarë
•    Elbasan           2 qytetarë
•    Fier                  6 qytetarë
•    Rrogozhinë    2 qytetarë
•    Kavajë             2 qytetar

Janë shënuar deri tani dy raste humbje jete  

- Një 66 vjeçar nga Lushnja, i cili humbi jetën në spitalin Infektiv

- Një 73 vjeçare nga qyteti i Durrësit, e cila ndërroi jetë më 11 mars.

32 në spitalin infektiv

Ne Spitalin Infektiv ndodhen 32 paciente te shtruar. 3 pacientë janë në terapi intensive, por asnjëri prej tyre nuk është në respiracion të drejtuar. Ndërsa pjesa tjetër e të shtruarve në pavion janë në gjendje të stabilizuar deri në këto momente.

Vazhdojnë testimet

Jemi duke vijuar me testimin e rasteve të dyshuara, si element I rëndësishëm për ndërprerjen e zinxhirit të transmetimit të infeksionit COVID-19.  Sikundër ju është bërë me dije nga Ministrja e Shëndetësisë, Instituti i Shëndetit Publik, ka marrë një tjetër sasi të konsiderueshme të testeve diagnostike për COVID-19.

Apeli për qytetarët

Nga ana tjetër, për të siguruar suksesin e ndërprerjes së zinxhirit të transmetimit të infeksionit, qytetarët kanë një rol thelbësor. Edhe një herë një lutje për qytetarët: Mos shkoni menjëherë në spital!  Telefononi 127 kur keni shenja të sëmundjes! Pavarësisht masave të marra, e rëndësishme është izolimi social, masat e higjienës vetjake, që të frenojmë sa më shumë përhapjen e infeksionit. Mënyra më e mirë për të ndihmuar personelin shëndetësor dhe për të përballuar këtë situatë është që qytetarët të vijojnë të qëndrojnë në shtëpi.