Itali, 546 viktima në 24 orë

Janë 33 979 pozitive të koronavirusit të identifikuara në 24 orët e fundit në Itali, sipas të dhënave të Ministrisë italiane të Shëndetësisë.

Viktimat janë 546.

Me viktimat e sotme, totali që nga fillimi i pandemisë i kalon 45 000, saktësisht 45 229.

Sipas të dhënave, në kujdes intensiv në 24 orët e fundit janë pranuar 116 pacientë më shumë.

Numri i përgjithshëm i të sëmurëve në kujdesin intensiv tani është 3 422.

Nga ana tjetër, shtrimet në spital në pavijone të zakonshme u rritën me 649, duke e çuar totalin në 32 047.

Në Itali janë bërë 195 275 tamponë në 24 orët e fundit.

Raporti i rasteve pozitive me numrin e testimeve është 17.4%.