Koreja e Veriut lëshoi tre raketa balistike. Lajmi raportohet nga agjencia Kyodo, duke cituar Ministrinë Japoneze të Mbrojtjes.
Raketat mbuluan një distancë prej 350 kilometrash, duke arritur një lartësi maksimale prej 50 kilometrash.
Ministria e Mbrojtjes e Japonisë tha se Koreja e Veriut lëshoi tre raketa, dy njëherësh në orën 07:44 të mëngjesit dhe tjetra rreth 37 minuta më vonë.
Kryeministri i Japonisë Fumio Kishida tha në një seancë parlamentare se raketat e Koresë së Veriut ranë në ujërat midis Gadishullit Korean dhe Japonisë, të gjitha jashtë zonës ekskluzive ekonomike të Japonisë, dhe se nuk janë raportuar dëme apo lëndime.
Kishida denoncoi testet e përsëritura të raketave balistike të Koresë së Veriut si akte “që kërcënojnë paqen dhe sigurinë e Japonisë, rajonit dhe shoqërisë ndërkombëtare”.
Ai tha se Japonia protestoi fuqishëm kundër Koresë së Veriut për aktivitetet e saj testuese, duke thënë se shkelin rezolutat e Këshillit të Sigurimit të OKB-së që ndalojnë Veriun të përfshihet në çdo aktivitet balistik.
Ushtria e Koresë së Jugut tha se zbuloi disa lëshime të dyshuara lëshime balistike me rreze të shkurtër veprimi nga Koreja e Veriut të hënën në mëngjes.
Shefat e Përbashkët të Shtabit i quajtën lëshimet “provokim të qartë” që kërcënojnë paqen në Gadishullin Korean.
Sipas vlerësimeve japoneze dhe koreano-jugore, raketat e Koresë së Veriut të lëshuara nga rajoni i kryeqytetit kaluan një distancë prej 300-350 kilometrash dhe arritën një lartësi maksimale prej 50 kilometrash.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
