Ka nisur sot në Bruksel takimi midis kryenegociatorit të Kosovës, Besnik Bislimi me të dërguarin e posaçëm të Bashkimit Evropian për dialogun, Mirosllav Lajçak me qëllim gjetjen e një marrëveshjeje për targat.
Pas bisedës kokë më kokë Bislimi- Lajçak, në takim bashkohen edhe anëtarët e tjerë të delegacionit të Kosovës.
Më herët sot Lajçak zhvilloi takime me delegacionin e Serbisë, të kryesuar nga Petar Petkoviç.
Ende nuk dihet nëse do të ketë një takim trepalësh mes përfaqësuesve të Kosovës, Serbisë dhe BE-së.
Sjellim në vëmendje që Brukseli ka theksuar rëndësinë e arritjes së marrëveshjes, në mënyrë që të mos ketë tensione mes dy vendeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
