Në emisionin “Stay Tuned”, nënkryetarja e Bashkisë së Tiranës, Anuela Ristani, u ndal te ndryshimet klimatike dhe pasojat e tyre në Tiranë. Ristani tha se përtej investimeve në përputhje me sfidat e së ardhmes, Bashkia synon edhe ndërgjegjësimin e qytetarëve.
Kur isha e vogël në Tiranë, fillonte shiu në tetor dhe mbaronte në prill apo maj. Çdo ditë kishte shi. Tirana ishte e lagësht gjithë kohës. Për të paktën 15-20 vitet e fundit, shiu që bie është gjithmonë i rrëmbyeshëm. Ky është një kampion i vogël i asaj që ndodh në planet.
Ne jemi një lojtar i vogël në arenën globale. Ka dy aspekte: ne vërtetë nuk jemi konsumatorë të mëdhenj të energjisë apo ndotës të mëdhenj, por efektet i ndiejmë njësoj si në Nju-Jork.
Duhet ta ndryshojmë, por edhe të përshtatemi me ndryshimin e klimës. Duhet të përfshihemi të gjithë. Është edhe çështje burimesh, por duke i përfshirë të gjithë rrisim ndërgjegjësimin. Ne kemi bërë disa gjëra. Në planin urbanistik parashikohet jo vetëm mënyra si ndërtohet në Tiranë, por dhe kanalizimet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
