Komisioneri Evropian për Politikat e Fqinjësisë dhe Negociatat për Zgjerimin, Oliver Varhelji, ka thënë se kryeministri malazez, Dushko Markoviç, e ka njoftuar atë se qeveria është e gatshme të pezullojë zbatimin e Ligjit për Lirinë e Besimit.
Lajmin e bën të ditur malazezja “Vijesti”, e cila u referohet burimeve të saj. Sipas “Vijestit”, Varhely e ka përcjellë këtë mesazh gjatë një takimi me opozitën malazeze.
Sipas raportimit, Markoviç mendohet se ka ofruar shtyrjen e zbatimit të ligjit në pritje të vendimit të Gjykatës Kushtetuese, dhe në rast se iniciativa e mitropolit-Malit të Zi-Bregdetar refuzohet, deri në vendimin e Gjykatës së Strasburgut.
Jozyrtarisht, qeveria sqaroi për “Vijestin” se ky është një veprim logjik, sepse ligji është një ligj special dhe si i tillë, kushtetutshmëria e tij është shumë e rëndësishme.
I njëjti burim shpjegoi më pas se vonesa është opsion i mundshëm vetëm deri në vendimin e Gjykatës Kushtetuese, dhe se ka të drejtë ankese në Gjykatën Evropiane.
Ligji i miratuar disa javë më parë ngjalli protesta dhe pakënaqësi të madhe te ndjekësit e Kishës Ortodokse Serbe dhe serbët, të cilët e panë atë si mosrespektim të vullnetit të tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
