Sanna Marin nuk është vetëm. Pasi videot e publikuara të kryeministres finlandeze duke kërcyer dhe festuar me miqtë ndezën kritika, ish-sekretarja e shtetit dhe kandidatja presidenciale e SHBA-së, Hillary Clinton, u shpreh në mbështetje të Marin.
Në një postim në Twitter të dielën, Clinton ndau një foto të saj duke kërcyer në një bar gjatë një vizite pune në Kartagjenë, Kolumbi në vitin 2012, dhe inkurajoi lideren finlandeze të "vazhdonte të kërcente".
36-vjeçarja Marin falënderoi Clinton për mbështetjen e saj.
Në Finlandë, videot po ndezin ende debate, ndërsa ish-sekretari i Partisë Social Demokrate të Marin, Mikael Jungner, e akuzoi atë për ndarje të vendit.
Pas shfaqjes së pamjeve, në të cilat një pjesëmarrës në festë dyshohet se përmendte kokainën, Marin bëri një test droge, duke rezultuar negativ.
Gratë në mbarë botën i janë përgjigjur sagës duke shpërndarë videot e tyre duke kërcyer, duke i etiketuar ato me një hashtag #SolidaritywithSanna.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
