Çfarë zbulojnë zgjedhjet franceze për të rinjtë euroskeptikë

A po e shpëtojnë të moshuarit presidentin francez Emmanuel Macron?

Në kontrast të plotë me votuesit e moshuar euroskeptikë që shtynë Britaninë e Madhe pro Brexit-it, është kontigjenti më i moshuar në Francë që duket se është bashkuar rreth presidentit aktual pro-BE, ndërkohë që shumë votues të rinj mbështesin radikalin e majtë Jean-Luc Mélenchon dhe Marine Le Pen, të së djathtës ekstreme.

Fakti që Le Pen, në të kaluarën, ka bërë hapur fushatë pro idesë së largimit të Francës nga Bashkimi Evropian dhe Mélenchon nuk i ka fshehur kurrë prirjet e tij euroskeptike, shtron pyetjen nëse rinia franceze e ka humbur besimin në projektin evropian. Megjithatë, një vështrim më i afërt i ndarjes së grupmoshave të rezultateve të raundit të parë, zbulon një pamje më të nuancuar.

Nëse të moshuarit mbështesin pro-evropianin Macron dhe të rinjtë e gjejnë veten më pranë radikalit të majtë Mélenchon apo ekstremit të djathtë Le Pen, a e bën kjo të ardhmen e Francës më euroskeptike? “Politico.eu” raporton se të dhënat nuk e mbështesin këtë pikëpamje, pasi votuesit më të rinj në Francë kanë më shumë gjasa të ndihen krenarë që janë evropianë dhe janë grupi i vetëm ku ka një pluralitet për më shumë integrim evropian.