Kur ka kaluar më tepër se një muaj nga vdekja e 29-vjeçarit shqiptar Pëllumb Marnikollaj në ambientet e policisë greke, ekspertiza atje nxorri si shkak shembjen e kafkës dhe traumën e rëndë. Nga të dhënat e siguruara nga autopsia e trupit është konstatuar thyerje e kafkës, shembje e trurit, plagë në kokë, hematoma, dërmishtje të kokës, trupit dhe gjymtyrëve. Këto dëmtime kaq të rënda, sipas raportit, janë kryer me mjet të fortë, jo i mprehtë.
Nga të gjitha këto veçori të dëmtimeve, veçanërisht atyre në kokë, specialistët nuk përjshtojnë mundësinë që ato të jenë shkaktuara edhe nga rrëzimi prej një lartësie të madhe. Familja e Pëllumb Marnikollaj u njoftua për vdekjen e tij në datën 12 Gusht, 10 ditë pas vdekjes së tij.
Ata pretendojnë se i afërmi i tyre është dhunuar nga policia greke, ç’ka ka sjellë si pasojë vdekjen e tij. Ndërkohë, policia greke pretendon se 29-vjeçari është vetëhedhur nga kati i katërt i rajonit të policisë “Kato Patisia”. Babai dhe vëllai i Marnikollajt, këto ditë kanë qenë mes një turrme protestuesish grekë, ku mbanin në duar fotografinë e tij me mbishkrimin “Përgjegjësit para drejtësisë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
