Shtatë anije që transportonin 10 milionë ton produkte bujqësore ukrainase janë larguar nga portet e Detit të Zi mëngjesin e sotëm, ka njoftuar ministria e infrastrukturës së vendit.
Në një postim në Telegram, ministria tha se produktet janë dërguar në 43 vende, përfshirë Omanin dhe Kinën.
Anijet u larguan nga portet e Odessa, Chornomorsk dhe Pivdenny për në vendet në Azi dhe Evropë. Midis tyre ishte Esentepe, e cila mban 29,000 ton fara luledielli dhe 67,000 ton misër.
Kjo vjen pasi Rusia rifilloi dje pjesën e saj në një marrëveshje për eksportin e grurit të ndërmjetësuar nga OKB.
Në fundjavë, Moska u tërhoq nga marrëveshja pasi pretendoi se Ukraina kreu një “sulm terrorist” në flotën e saj të Detit të Zi në Krime, që thuhet se shkaktoi dëme të vogla në një anije. Ukraina nuk ka marrë përgjegjësinë për incidentin.
Marrëveshja mundëson dërgimin e miliona tonë drithërave të Ukrainës përmes porteve të bllokuara dhe synon të ndihmojë në shmangien e urisë në vendet më të varfra.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
