Ushtria siriane njoftoi të shtunën një tërheqje të përkohshme të trupave të saj në qytetin veriperëndimor të Aleppos për t'u përgatitur për një kundërofensivë, pasi grupet rebele filluan një sulm të befasishëm kundër forcave të qeverisë për herë të parë në vite.
"Numri i madh i terroristëve dhe numri i madh i fronteve të betejës i shtynë forcat tona të armatosura të kryejnë një operacion që synon forcimin e linjave të mbrojtjes në mënyrë që të ruajnë jetën e civilëve dhe ushtarëve dhe të përgatiten për një kundërsulm", tha ushtria në një deklaratë.
Deklarata shënon pranimin e parë publik nga ushtria siriane se rebelët e udhëhequr nga islamisti Hayat Tahrir al-Sham kishin hyrë në qytetin e kontrolluar nga qeveria të Alepos.
Ushtria gjithashtu raportoi se dhjetëra burra nga forcat e armatosura siriane u vranë dhe të tjerë u plagosën gjatë betejave me kryengritësit gjatë ditëve të fundit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
