Vendet e Ballkanit Perëndimor e meritojnë realisht integrimin në BE dhe kjo duhet të bëhet një qëllim në vetvete, tha presidenti i Komisionit Europian, Jean Claude Juncker dje në Parlamentin Europian. “Pranimi i vendeve të Ballkanit Perëndimor do të bëhet realitet kur të plotësohen kushtet që janë vendosur për këtë”, shtoi Juncker.
Kreu i Komisionit Europian tha se gjatë shkurtit dhe marsit do të vizitojë disa vende të Ballkanit Perëndimor, për t’u njohur me qëndrimet dhe pritshmëritë e tyre.
Juncker theksoi se të gjitha mosmarrëveshjet për kufijtë mes këtyre vendeve duhet të zgjidhen para pranimit në BE. Ai theksoi se sundimi i ligjit është kushti i dytë për anëtarësimin në BE.
Ndërkohë, sekretari i Përgjithshëm i NATO-s, Jesn Stoltenberg, ndodhet për një vizitë zyrtare në Shkup. Stoltenberg do të zhvillojë takime me krerët e shtetit dhe partive politike. Gjatë këtyre takimeve, pritet që Stoltenberg të diskutojë në lidhje me punën e bërë deri tani nga qeveria e re në procesin e reformave në kuadër të integrimit europian dhe atij euroatlantik.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
