Dy javë më parë, në daljen e tij të parë publike pas mbajtjes së zgjedhjeve të 30 qershorit, presidenti Ilir Meta publikoi një mesazh të kryeministrit Rama, i cili i shkruante se pasi të mbaronte mandatin e kreut të shtetit nuk do të gjente gjurmë të LSI-së.
Rama është pyetur sot për këtë nga gazetarët në përfundim të mbledhjes së Kryesisë së PS-së.
“Për fat të keq të atyre që ende e besojnë këtë opozitë, nuk ka nevojë për plane për të eleminuar opozitën sepse është në kapacitetet të plotë për t’u veteliminuar. Procesi vijon në një rrugë që e kanë zgjedhur vetë qorrazi. E rëndësishme për ne është t’i qëndrojmë besnik të gjithëve, atyre që na votuan por edhe që s’na votuan. Këto historitë 7×7 bëjnë 42, ia kemi lënë opozitës. PS e kandidatët kanë marrë mbështetje përtej çdo pritshëmrie, dhe mbi këtë bazë kemi nisur punën për fitoren e radhës në 2021”, u shpreh Rama.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
