Kievi do të votojë këtë javë nëse do t'i hiqet titulli "qytetar nderi" udhëheqësit sovjetik me origjinë ukrainase Leonid Brezhnev, të cilën ai e mori në vitin 1982, njoftoi të hënën këshilli i qytetit. Votimi do të kryhet përpara "Ditës së Kievit", që tradicionalisht festohet të dielën e fundit të muajit, tha zëvendëskryetari Vladimir Bondarenko për gazetën Vesti, duke shtuar se ai priste që propozimi të miratohej.
"Ne supozojmë se më 25 maj, titulli i qytetarit nderi të Kievit do t'i hiqet jo vetëm Brezhnevit, por edhe përfaqësuesve të tjerë të nomenklaturës së partisë sovjetike," tha Bondarenko.
Brezhnjevi ishte sekretari i përgjithshëm i Partisë Komuniste të Bashkimit Sovjetik dhe kryetar i Presidiumit të Sovjetit Suprem, ishte lideri de fakto dhe de jure i BRSS kur Kievi i dha atij titulli "qytetar nderi". Politikani 75-vjeçar u nda nga jeta në nëntor të vitit 1982, pas më shumë se 18 vitesh në pushtet.
Në tetor 1964, Brezhnev dhe Nikolai Podgorny e rrëzuan Nikita Hrushovin nga posti drejtues i partisë, duke e fajësuar atë për problemet ekonomike të BRSS. Të dy Podgorny dhe Brezhnev kanë lindur në territorin e Ukrainës së sotme, e cila ishte pjesë e Perandorisë Ruse në atë kohë.
Vendlindja e Brezhnevit njihej si Dneprodzerzhinsk midis viteve 1936 dhe 2016, kur emri i tij i vjetër u rivendos nga qeveria në Kiev, si pjesë e fushatës së "dekomunizimit" për eliminimin e të gjitha referencave sovjetike nga Ukraina.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
