Në zgjedhjet e 25 qershorit Mesila Doda e PDIU-së, e cila renditej e dyta në listën e Tiranës, ka mbetur jashtë Kuvendit të Shëqërisë. Po ashtu PDIU rrezikon të mos marrë dhe mandatin e parë në Tiranë, me një diferencë shumë të ngushtë votash.
“Partitë e mëdhaja kanë siguruar deputetë më shumë pak vota dhe kjo është për shkak të sistemi të monitoruar vetë që nuk është në të mirë të vendit. Shqipëria sot është në pragun e një lloj kontrolli absolut dhe te sistemi zgjedhor gjithashtu. Kush mbjell erën, korr stuhinë!
Presim një proces që duhet të mbarojë deri në fund. Sipas përllogarive jemi shumë afër mandatit në Tiranë. Nëse do kishim koalicione do kishte 10-12 deputetë. Kjo është një shkele. Ja ku jemi dhe njëherë në dëshirat e më të mëdhenjve”, është shprehur Mesila.
Më tej Doda, e pyetur nga gazetarët nëse do e shohim më publikisht tani që nuk do jetë deputete, u përgjigj, “Jeta është e gjatë dhe e bukur do keni mundësi të më shihni më vonë. E rëndësishme është që sistemi të shpëtohet pasi është lënë në buzë të greminës”.
Në Tiranë kreu i PDIU-së po lufton “dhëmbë më dhëmbë” me PS-në për një mandat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
