U dorëzua në policinë greke ditën e sotme shqiptari që dyshohet se vrau bashkëkombësin e tij 27-vjeçar, Mario Metaj.
Emri i autorit të dyshuar nuk është publikuar ende, ndërsa mediat greke shkruajnë se ai u paraqit në polici në prani të avokatit të tij, katër ditë pas ngjarjes së rëndë që ndodhi në Patras, të Greqisë.
Një ditë më parë policia greke liroi shokun e tij, që dyshohej se kishte bashkëpunuar me autorin. 31-vjeçari u dorëzua vetë në polici menjëherë pas ngjarjes, ndërsa u akuzua për nxitje dhe bashkëpunim në vrasje, por avokati i tij tha se ai ishte qëlluar 15 herë me kaçavidë nga viktima dhe vëllai i tij.
Shkak i konfliktit që përfundoi në vrasje më 25 janar dyshohet një përplasje e mëparshme. Mario Metaj dyshohet se bënte pjesë në një bande e se vrasja e tij mund të jetë kryer nga banda rivale.
Si ndodhi ngjarja
I riu Mario Metaj u ekzekutua me 2 plumba, një prej tyre në kokë, pas një përleshjeje në kryqëzimin Kourtesis të Patras. Gjithë konflikti ka ndodhur në sheshin Zavlaniou, ku Mario Metaj me grupin e tij me motora kanë ndjekur dy persona që drejtonin një automjet. Në kryeqëzimin Kurtesi, një nga personat që drejtonte mjetin ka hapur zjarr ndaj grupit që po i ndiqte. Tre minuta pasi ka hyrë në sallën e reaminacionit, mjekët konfirmuan vdekjen e tij.
Kush ishte viktima Mario Metaj
27-vjeçari pak kohë më parë ishte përfshirë në një sherr së bashku me të vëllain, ku ky i fundit u plagos me thikë në trup. Mirëpo në Shqipëri, Metaj njihet si anëtar i bandës së Çoles. Në vitin 2010 Metaj grabiti një bankë në qytetin bregdetar në kërcënimin e armës, së bashku me pjesëtarët e tjerë të bandës. Pas grabitjes erdhi dhe arrestimi i tyre. Në vitin 2012 ai sërish u bë pjesë e grabitjeve të tjera, ku përfshinin karburantet, kazinotë dhe bankave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
