Thaçi: Më vjen keq që për pafajësinë time s’dëshmojnë dot Rugova dhe Albright! Kosovës iu hoq reja e zezë e Marty-t

Ish-presidenti i Kosovës, Hashim Thaçi, hodhi poshtë pretendimet e Prokurorisë për krime lufte gjatë seancës që u mbajt sot në Hagë.

Ish-drejtuesi politik i UÇK u shpreh i keqardhur për të gjithë viktimat, duke kërkuar një proces të drejtë dhe të shpejtë ndaj tij dhe të akuzuarve të tjerë.

“Jam i kënaqur që procesi e ka dëshmuar edhe njëherë se nuk ka pasur trafikim organesh e shtëpi të verdhë. Kosovës i është hequr reja e zezë të cilën ia kishte vënë Raporti i Marty-t”, ka thënë Thaçi.

Ndër të tjera ai u shpreh se i vjen keq që për pafajësinë e tij s’do të mund të dëshmojnë disa figura të larta botërore, por edhe të Kosovës. Ai përmendi figura si Ibrahim Rugova, Fehmi Agani, Madeleine Albright, Richard Hoolbroke e disa të tjerë.

Thaçi shtoi se megjithatë do të dëshmojnë shumë persona të tjerë që janë të interesuar.