Kryebashkiaku Gledian Llatja tha për mikrofonin e MCN Tv se vizitorë nga e gjithë Shqipëria kanë vizituar sot Elbasanin, që në Ditën e Verës, kthehet në kryeqendrën e të gjithë vendit.
Llatja tha se recetat e gatimeve tradicionale që deri më tani kanë qenë 'sekret', tashmë janë ekspozuar për gjithë publikun.
Jemi tek panairi i gatimeve tradicionale, kemi fërgesën e Elbasanit, revaninë, tavën e kosit. Ata që vijnë dhe nuk e dinë traditën, këtu është këndi më i mirë ku ekspozohen gatimet. Recetat tona janë të ekspozuara për publikun. Mjafton të kesh një telefon dhe me një barkod e ke recetën në shtëpinë tënde. Krenohemi me kulinarinë, artin dhe kulturën dhe traditën Elbasanit. Recetat kanë qenë sekrete, tani janë ekspozuar dhe të gjithë mund t’i shohin. Kemi bashkëpunuar dhe kryebashkiakët e tjerë.
Kthehemi në kryeqendrën e Shqipërisë. Na bëhet zemra mal që traditat tona po hapen. Kur del takon turistë nga gjithë vendet. Hotelet janë të gjitha të zëna.
Deputeti i PS-së, Damian Gjiknuri teksa po vizitonte stendat së bashku me kryebashkiakun Llatja tha:
Shija e ballokumeve nuk ndryshon, por përmirësohet. Elbasani të përfitojë nga të drejtat e autorit të Ditës së Verës. Kryetari mos t’i nxjerrë recetat, t’i bëjë me copyright.
Elbasanllinjtë duhet të jenë krenarë që një festë e Elbasanit është kthyer në festë kombëtare. Kush eksporton vlera është më i fituari.
I pyetur nëse do vijë vera edhe në Parlament Gjiknuri tha:
Vera ka qenë gjithmonë në Parlament. Dielli rrezaton për të gjithë, kush do, futet atje.
Rama ka pasur dhe axhendë tjetër, është prezent me punët e mira që ka bërë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
