Komisioni i Çështjeve Ligjore dhe Drejtësisë Sociale ka vendosur sot që të fusë në rendin e ditës mledhjen e Këshillit Bashkiak, ku do të shqyrtohet kërkesa e PS për shkarkimin e Erion Veliajt nga posti i kryebashkiakut. Kryebashkiaku Erion Veliaj nuk do të jetë i pranishëm në mbledhjen e sotme të Këshillit Bashkiak.
Me votat e shumicës socialiste dhe disa këshilltarëve të tjerë, u rrëzua kërkesa e Veliajt për të qenë i pranishëm gjatë mbledhjes. Përfaqësuesit e opozitës kërkuan që Veliajt t’i respektohej e drejta kushtetuese për të folur para shkarkimit, sipas procedurës.
Në orën 16:00 është planifikuar të mbahet mbledhja e Këshillit Bashkiak, ku pritet të vendoset mbi fatin e kryebashkiakut që ndodhet në paraburgim që prej muajit shkurt.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
