Gazeta greke “Kathemerini” shkruan sot se vendimi i Greqisë për të bllokuar procesin e anëtarësimit të Shqipërisë në BE, pas ndjekjes penale dhe dënimit të kryebashkiakut të zgjedhur të Himarës Fredi Belerit, do të ndikojë në mënyrë të pashmangshme në planet greke për të arritur një marrëveshje për përcaktimin e zonave ekskluzive ekonomike detare.
Athina shpresonte që kjo marrëveshje do të shërbente si plan për të hartuar negociata edhe më të rëndësishme me Turqinë.
“Presioni i BE-së dhe SHBA-së ndaj Athinës për të rishikuar qëndrimin e saj do të vazhdojë”, shkruan media greke, duke shtuar se: “Shqipëria ka zënë një pozicion si vendi më antirus i Ballkanit dhe do të dyfishohet nëse qeveria greke ndjek këshillën e disa politikanëve për të vendosur sanksione dypalëshe”.
“Përkrahësit e sanksioneve pretendojnë se kryeministri shqiptar Edi Rama e sheh mbështetjen perëndimore si një licencë për të injoruar presionin grek”, raporton media greke.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
