Manjati amerikan i teknologjisë, Elon Musk, ka bërë thirrje për lirimin e themeluesit dhe CEO të Telegram, Pavel Durov, i cili u arrestua të shtunën pak pasi mbërriti në aeroportin Paris-Le Bourget.
Autoritetet në Francë besojnë se 39-vjeçari Durov, me shtetësi të dyfishtë ruso-franceze, është bashkëpunëtor në një sërë krimesh të dyshuara të kryera në platformën e tij, duke argumentuar se moderimi i pamjaftueshëm lejon që Telegram të përdoret gjerësisht për të thyer ligjin.
Pronari i X (ish-Twitter) publikoi një video të Durov duke folur me gazetarin konservator amerikan Tucker Carlson për lirinë e fjalës në internet, ku shprehej se ishte i lumtur për faktin që Musk kishte blerë Twitter. Musk e bashkoi videon me hashtagun “#FreePavel”.
“POV: Është viti 2030 në Evropë dhe ju po ekzekutoheni për pëlqimin e një meme”, shkroi ai në një koment. Musk po ashtu shkroi: “Kohë të rrezikshme” në reagimin e tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
