Policia e Gjirokastrës ka arrestuar në flagrancë dy persona për veprën penale “Falsifikim i monedhave”.
Në pranga kanë përfunduar Gëzim Oruçi 53 vjeç, banues në Tepelenë dhe A.K 47 vjeçe, banuese në Korçë.
Arrestimi i tyre u bë pasi në një karburant në Gjirokastër kanë furnizuar automjetin tip “Opel”, me targa AIE5711, duke përdorur një kartmonedhë 1000 lekë, e cila u dyshua si e falsifikuar nga shitësi i karburantit.
Gjatë kontrollit të automjetit i’u gjetën dhe sekuestruan në cilësinë e provës materiale dhe 5 kartmonedha 1000 lekë me të njëjtin numër serie.
Materialet i kaluan Prokurorisë së Rrethit Gjyqësor Gjirokastër për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
