Koreja e Veriut ka filluar prishjen e një strukture në zonën turistike Kumgang e cila ishte menduar për ribashkim mes familjeve koreane të ndara midis Koresë së Veriut dhe Koresë së Jugut pas luftës së përgjakshme Koreane 1950-1953.
Yonhap raporton se Ministria e Unifikimit e Seulit, e cila është përgjegjëse për marrëdhëniet me Phenianin, ka kërkuar “ndërprerje të menjëhershme” të operacioneve kundër një prej simboleve të fundit të dialogut dypalësh.
“Shkatërrimi i Qendrës së Ribashkimit të Malit Kumgang është një akt çnjerëzor që shkel dëshirat e sinqerta të familjeve të ndara”, tha një zëdhënës i ministrisë, duke shprehur keqardhje të thellë.
Koreja e Veriut ka përshkallëzuar retorikën e saj kundër fqinjit të saj jugor në vitet e fundit, duke e cilësuar Korenë e Jugut si një shtet armiqësor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
