Autoriteti britanik i privatësisë ka gjobitur me 120 000 paund (137 000 €) grupin e fushatës Leave.EU dhe kompaninë e sigurimeve Eldon për shkelje privatësie të lidhura me fushatën e Brexit.
"Është thellësisht shqetësuese se të dhëna personale sensitive të grumbulluara për qëllime politike më vonë u përdorën për qëllime sigurimi; dhe anasjelltas. Kjo nuk duhej të ndodhte kurrë", tha Elizabeth Denham, Komisioneri britanik për Informacionin.
Zyra e Komisionerit të Informacionit tha se auditimi i dy kompanive nxori se ato kanë shkelur rregullat sepse i kanë përzier të dhënat e tyre për të synuar mesazhet politike.
Sistemet për ndarjen e të dhënave personale të klientëve të sigurimeve nga ato të abonentëve politikë ishin të paefektshme, gjë që rezultoi në heqjen e të dhënave të klientëve të Eldon Insurance në mënyrë të paligjshme, duke u dërguar atyre pothuajse 300 000 mesazhe të marketingut politik", thuhet në një deklaratë të autoritetit mbikëqyrës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
