Ditën e sotme, efektivët e rendit ndaluan biznesmenin Agim Kola, i cili akuzohet se nëpërmjet blerjeve dhe shitjeve me fatura fiktive ka përfituar në mënyrë të paligjshme një sasi të konsiderueshme parash.
Në prangat e policisë ra administratori i kompanisë Rr.s.M dhe Hidro Company, Agim Kola, i cili akuzohet se është i përfshirë në skemën e evazionit 30 mln euro me faturat fiktive.
Kola nuk është një emër i panjohur as për botën e biznesit dhe as për publikun pasi kohët e fundit është përmendur nga kryedemokrati Lulzim Basha dhe ish deputetja Jorida Tabaku, të cilët janë shprehur se kanë dyshime mbi një skemë korrupsioni dhe pastrimi parash nga kompania e Kolës.
Nga operacioni i luftës ndaj informalitetit janë dërguar deri tani para gjykatës 16 biznesmenë për fshehje të të ardhurave. Gjykata e Tiranë caktoi 5 ditë më parë masën e dënimit për 15 prej tyre: 9 biznesmenë janë lënë në arrest shtëpie, kurse 6 të tjerë janë dënuar me 20 ditë burg.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
