Inspektorati Kombëtar i Mbrojtjes së Territorit ka ndëshkuar me masë administrative kompaninë Gjikuria, pas konstatimit të depozitimit të mbetjeve inerte dhe dherave në krye të fshatit Dhërmi.
Sipas njoftimit zyrtar, Drejtoria Qendrore e IKMT-së kreu një inspektim në zonë, ku evidentoi një vendgrumbullim mbetjesh të dala nga gërmimet. Nga verifikimet rezultoi se subjekti nuk ishte i pajisur me Leje Mjedisi të tipit B, sipas kërkesave ligjore në fuqi.
Për shkeljet e konstatuara, IKMT vendosi masën administrative me gjobë në vlerën 1 milion lekë (te reja), si edhe pezullimin e aktivitetit deri në pajisjen me lejen përkatëse mjedisore.
Njëkohësisht, kompanisë iu ngarkua detyrimi për eliminimin e pasojave të shkaktuara dhe rehabilitimin e zonës ku janë kryer depozitimet e inerteve, brenda një afati të arsyeshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
