Tri ditë pasi presidenti i Haitit u vra brenda shtëpisë së tij në periferi të Port-au-Prince, është ende e paqartë se kush e urdhëroi dhe e kreu vrasjen.
Disa pista për vrasjen e tij janë ngritur, disa zyrtarë thonë se vrasja e Presidentit Jovenel Moise është bërë nga një ekip mercenarësh të huaj të armatosur mirë dhe të tjerë që sugjerojnë se rojet e pallatit mund të jenë përfshirë në vrasjen e tij. Dëshmitë gjithashtu thonë se rojet dhe mercenarët kryesisht kolumbianë mund të kenë punuar së bashku.
Ndërsa hetimet për vrasjen e presidentit në rrethana misterioze vazhdojnë , kriza në Haiti është thelluar për pluftën për kontrollin e vendit, shkruan Los Angeles Times.
Haiti është kombi më i varfër në Hemisferën Perëndimore, me një person mesatare që mbijeton me më pak se 3 dollarë në ditë.
Në dekadat e fundit, ish-kolonia franceze është rrethuar nga çdo katastrofë e imagjinueshme, uragane, tërmete, diktatura dhe një sërë ndërhyrjesh të huaja që shumë besojnë se vetëm nxisnin paqëndrueshmërinë e vazhdueshme.
Dhe para se Moise të vritej, vendi ishte përfshirë nga një seri krizash kriminale, politike dhe shëndetësore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
