Liz Truss, 47 vjeç, ministre e Jashtme në detyrë, është zgjedhur si liderja e re e Partisë Konservatore Britanike, forca me shumicën e vendeve në Parlamentin britanik. Në këtë mënyrë, Truss do të marrë postin e kryeministres - gruaja e tretë në historinë e Mbretërisë së Bashkuar - nga Boris Johnson në largim.
Truss, siç pritej gjerësisht, mundi rivalin Rishi Sunak me një diferencë të qartë në votimin përfundimtar të vendosur nga vota postare e anëtarëve.
Njoftimi u bë nga Graham Brady, kryetar i Komitetit të vitit 1922, një organ i brendshëm i grupit parlamentar konservator i ngarkuar me menaxhimin e procedurës zgjedhore për udhëheqjen e partisë. Truss mori 81,326 të votave të hedhura nga rreth 172,000 militantë konservatorë gjatë javëve të fundit, sipas rezultatit të numërimit të shpallur pas orës 12:30 me orën lokale, kundrejt 60,399 që shkuan në Sunak. Dorëzimi i detyrës do të bëhet nesër nesër, kur Boris Johnson - i cili ka qëndruar deri tani në detyrë për çështjet aktuale - do të shkojë te mbretëresha 96-vjeçare Elizabeth për të dhënë dorëheqjen e hershme nga posti i kryeministrit. Pas kësaj, mbretëresha thërret në një takim të veçantë Liz Truss dhe i jep detyrën e drejtimit të qeverisë së re.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
