Dihet tashmë që shumë njerëz kanë vetëbesim të tepruar mbi veten, e jo vetëm. Në rastin tonë një grup entuziastësh sportesh ekstreme në Britani kanë ngecur praktikisht në baltë.
Ngjarja ka ndodhur në Yorkshire, ku disa persona të paisur edhe me kamera kanë provuar të kalojnë një liqen duke përdorur një Jeep 4x4. Në fakt entuziasmi në nisje dukej i madh por nuk mjaftonte që mjeti 4x4 të kalonte sprovën me sukses. Jeep-i me të hyrë në ujë filloi të fuste ujë dhe madje ngeci edhe në baltë. Situata u përkeqësua deri në pikën kur personat brenda Jeep-it duhet të linin me shpejësi automjetin pasi ishin të zhytur keqazi nën ujë. E gjitha kjo skenë u shoqërua me të qeshura nga të gjithë të pranishmit.
“Entuziastët”, ndryshe nga sa mendonin, bënë një figurë qesharake ndërsa për të marrë mbrapsht automjetin e tyre duhet të merrnin ndihmë nga një mjet më modest, nga një traktor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
