Emisioni Xhadat trajtoi denoncimin e prindërve të nxënësve të dy shkollave “Sandër Prosi” dhe“ Mustafa Greblleshi” në Tiranë . Oborri i këtyre dy shkollave ështe kthyer në rrugë dhe vend për parkimin e makinave .
-Fëmija im nuk është i sigurt fare këtu. E kemi ngritur si shqetësim po nuk është bërë asgjë- u shpreh një prind.
-Oborri i shkollës është kthyer në rrugë si dhe fizkulturën e bëjnë në rrugë. -tha një tjetër prind.
Xhadat pyeti edhe qytetarët të cilët kalonin me makinat e tyre në oborrin e shkollave. Ata u shprehën se prej disa vitesh kjo ishte e vetmja rrugë për të hyrë në lagje.
Nga ana tjetër edhe mësuesit, shprehen të shqetësuar. Krahas rrezikut që vjen nga mungesa e oborrit të shkollës, kjo cënon dhe procesin mësimor në lëndët sportive.
Xhadat sollën pamje se si nxënësit luanin futboll dhe volejboll mes makinave.
Në lidhje me këtë denoncim Xhadat pyeti Zyrën Vendore Arsimore Tiranë. Në pëgjigje ky institucion deklaroi se për pjesën e infrastrukturës shkollore përgjegjëse është bashkia, duke mos marrë asnjë përgjegjësi mbi vete.
Xhadat i dërgoi një këkesë për informacion dhe Bashkisë Tiranë por nuk mori asnjë përgjigje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
